سبعة أيام ديال المشماش سالات..”الصحراوية” دات لفلوس أبرعت المديرة الجهوية للصحة..أقلقت لينا المنتخبين

0

الداخلة مباشر

واحد السيدة طلع ليها “جوك” في منافسات سباق التحدي “الصحراوية”،كلشي داز عندها “بيليكي” سبعة أيام ديال المشماش، بطاقة خمس نجوم للعائلة كاملة الله إحفظها،أفين؟،في أحسن الفنادق المطلة على خليج وادي الذهب،في الوقت لي قطاع الصحة بجهة الداخلة وادي الذهب يئن في صمت،أهمها العطب الذي أصاب جهاز الرنين المغناطيسي،رغم أن البعض يستبعد فرضية تعرضه لعطب ما،وأنه يقدم خدمات فقط حسب الطلب.

اليوم غادي نتكلموا على المديرة الجهوية للصحة بجهة الداخلة وادي الذهب،”سليمة صعصع”،والتي كانت حاضرة بقوة خلال منافسات التحدي النسوي الصحراوية بالداخلة،”صعصع” قدمت جميع الإمكانات المتاحة لدى قطاع الصحة لفائدة هذه المسابقة،وسخرت أحسن الأطر الطبية لمواكبة هذا الحدث،ولكن مني تمشي لسبيطار الحسن الثاني تكره راسك علاش مشيتي،لأن القطاع أصلا غادي غير بالفاتحة بالداخلة،أزيدك “صعصع” تكرمات خلال اختتام منافسات “الصحراوية” أخدات تذكار أسيدي.

صعصع ،الطبيبة والمديرة الجهوية للصحة،14 سنة على ظهر القطاع،حتى واحد مقدر إزعزعها من بلاصتها،رغم الكوارث في هذا القطاع بالجهة،”سليمة صعصع” عندها مساند رسمي، واخا أوقع لوقع غادا تبقى في بلاصتها،غير الوالي مؤخرا في عيد المرأة قدم ليها وردة أقاليها شكرا على المجهودات ديالك،يعني سيد الوالي يتكلم عن مجهوداتها في مواجهة فيروس كورونا،ولكن الطامة الكبرى أن الكل يخفي الشمس بالغربال عن كوارث الصحة بالجهة،إلا كان شي واحد حاس أكثر من اللازم بالضرر راه أكيد هو المواطن.

المهم خلاصة القول “دخلناه ياكل الفريت أصدق معانا فادار شريك”، والصراحة هاذ “الصحراوية” هي لصدقات ليها جات الداخلة دات لفلوس برعت لينا المديرة الجهوية للصحة، أقلقت لينا المنتخبين،شافت بلي كان ناقصنا مشكل في الصراع بين المنتخبين بالجهة.

اترك رد

لن يتم نشر عنوان بريدك الإلكتروني.